Актив хәбәрчебез Рафилә Фәттахованың китабы дөнья күрде

(Кукмара, "Хезмәт даны"). "Хезмәт даны" газетасының актив хәбәрчесе Рафилә Фәттахованың "Ирекле кош" дип аталган хикәяләр һәм шигырьләр җыентыгы дөнья күрде. Китап Казанда "Мәхмүтләр" нәшриятында 50 данә тираж белән басылган. Автор үзе әйтүенчә, барлык әсәрләре чынбарлыкта булган вакйыгаларга нигезләнеп иҗат ителгән. Бу китапта аның 28 хикәясе һәм 23 шигыре тупланган. "Моннан тыш та язылган хикәяләрем бар, насыйп булса, тагын бер җыентык чыгарып булыр, бәлки, ", - ди Рафилә ханым. Ә "Ирекле кош" китабын район һәм авыл китапханәләреннән алып укырга мөмкин.