Татарстанда коронавирус йоктыруның 60 яңа очрагы ачыкланган

Татарстанда узган тәүлектә яңа төрдәге Сovid-19 коронавирус инфекциясе йоктыруның 60 яңа очрагы теркәлгән. Бу хакта «Татар-информ» мәгълүмат агентлыгына коронавирус буенча оператив штаб хәбәр итә.

Инфекция йоктырган 12 кеше хастаханәгә озатылган, калган 48 кеше өендә дәвалана. Барысы да элемтә юлы белән инфекция йоктыручылар.
Чир йоктыручыларның күбесе Казанда – 21 кеше. Яр Чаллы шәһәрендә – 12, Түбән Кама районында – 11, Әтнә һәм Яшел Үзән районнарында – дүртәр, Әлкидә – 3, Биектауда – 2, Арча, Минзәлә, Сабада – берәр кеше.

Татарстанда бүгенге көнгә кадәр барлыгы Covid-19ның 3026 очрагы расланган.

фото: «Татар-информ»

«Кукмор Татарстан» МАКС каналына язылыгыз