Хезмәт даны
  • Рус Тат
  • Сергей Димитриев авыл хезмәтчәннәрен һөнәри бәйрәмнәре белән котлый

    "Иң зур байлыгыбыз – уртак хезмәт өчен янып-көеп йөргән, намуслы, җаваплы җитәкче кадрлар, белгечләр, механизаторлар, терлекчеләр", диелә котлауда

    13 октябрь - Авыл хуҗалыгы һәм эшкәртү сәнәгате хезмәткәрләре көне уңаеннан район башлыгы Сергей ДИМИТРИЕВ  авыл хезмәтчәннәрен һөнәри бәйрәмнәре белән котлады:

    Реклама

    - Илебез халкын икмәкле, мул табынлы,  җитеш тормышлы итү өчен авыл халкы ел әйләнәсе авыр хезмәт белән шөгыльләнә. Игенчелек тармагында да, терлекчелектә дә горурланып сөйләрлек уңышларыбыз бар. Районыбызда көндәлек 270 тонна сөт савыла, кырларның һәр гектарыннан уртача 36 центнер бөртек җыеп алынды. Иң зур байлыгыбыз – уртак хезмәт өчен янып-көеп йөргән, намуслы, җаваплы җитәкче кадрлар, белгечләр, механизаторлар, терлекчеләр. Авыл хуҗалыгы товарлары җитештерү белән шөгыльләнүче фермер, шәхси ярдәмче хуҗалыкларның саны да елдан-ел арта бара. Авыр, тынгысыз хезмәт белән шөгыльләнүче авыл халкы мул хезмәт хакы алырга, җитешле тормышта яшәргә хаклы. Бүген җитәкчеләрнең бөтен тырышлыгы шуңа юнәлдерелергә тиеш. 

    Бәйрәм белән сезне, авыл хезмәтчәннәре! Сезгә нык сәламәтлек, бәхетле имин тормыш, күңел тынычлыгы телим. Башкарган эшегезнең яхшы нәтиҗәләрен генә күрергә язсын.
     

    Нравится
    Поделиться:
    Реклама
    Комментарии (0)
    Осталось символов: