Хезмәт даны

Кукмара районы

Рус Тат
Җәмгыять

Бакалар концерт куйды

(туганым Фәния сөйләгәннәрдән) Балачак истәлекләрен барлаганда бер кызыклы хәл искә төште. Хәер, ул чакта көлке түгел, кызганыч тоелгандыр. Әни белән әти аерылышкач, без - әни, апам, мин кечкенә генә бер йортка күчеп яши башладык. Яз көннәре иде бу. Элеккеге хуҗалары йорт-җирне карап тормаган, күрәсең: баз юеш, сулы иде. Шунда җыелган...

(туганым Фәния сөйләгәннәрдән)

Балачак истәлекләрен барлаганда бер кызыклы хәл искә төште. Хәер, ул чакта көлке түгел, кызганыч тоелгандыр.

Әни белән әти аерылышкач, без - әни, апам, мин кечкенә генә бер йортка күчеп яши башладык. Яз көннәре иде бу. Элеккеге хуҗалары йорт-җирне карап тормаган, күрәсең: баз юеш, сулы иде. Шунда җыелган гөберле бакаларның "концертлары" бөтен өйгә яңгырап тора. Төнгә таба бигрәк тә "майлары"на чыдаша алмыйлар: өй астыннан чыгып, мич буена тезелешеп утыралар да, төрле тавышлар белән бакырышып-җырлашып утыралар. Иртәнгә кадәр тынмыйча, йокларга ирек бирмиләр. Шул якка таба "очкан" башмаклардан да курыкмыйлар. Үзләрен шушы йортның хуҗалары дип уйлаганнармы яисә безнең күңелләрне ачарга тырышканнармы - белгән юк.

Реклама

Беркөнне әнкәй түзмәде, барысын чиләккә җыеп салды да, инешкә алып китте. Ә инеш бездән ерак, киң җәйләүне үтеп барасы. Ара бер чакрым гына булмас. Кичке караңгыда ничек курыкмыйча баргандыр әнкәй. И-и, рәхәт булды инде шуннан соң: ике төн буе тынычлап, изелеп йокладык. Тик сөенергә иртәрәк булган: өченче кичтә янәдән бакалар җыры ишетелмәсенме! Яшәгән җирләренә кире кайта белә икән бит алар. Никадәр араны үтеп, адашмыйча кайтып җиткәннәр. Янә мич кырыена тезелеште юньсезләр.

Гөлҗофар МИННЕХАНОВА

«Кукмор Татарстан» Telegram-каналга язылыгыз

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

4CQwVszH9pQMsE8swWi