Хезмәт даны
  • Рус Тат
  • Зур Сәрдек авыл җирлеге клубларында өлкәннәр өчен бәйрәм кичәләре узды

    Зур Сәрдек авыл җирлегенә кергән һәр авылның клубында, өлкән буын тамашачысы өчен "Шөкер итеп яшик бу җирдә!" дигән бәйрәм кичәләре уздырылды. Җылы һәм якты мәдәният йортларына кунак булып килгән авылдашларыбыз алдында Зур Сәрдек мәдәният йортының "Якты моңнар" концерт төркеме чыгыш ясады. Пәйгамбәребез Мөхәммәт с.г.в. хәдисләренә таянып төзелгән программабызда әти-әни һәм...

    Зур Сәрдек авыл җирлегенә кергән һәр авылның клубында, өлкән буын тамашачысы өчен "Шөкер итеп яшик бу җирдә!" дигән бәйрәм кичәләре уздырылды. Җылы һәм якты мәдәният йортларына кунак булып килгән авылдашларыбыз алдында Зур Сәрдек мәдәният йортының "Якты моңнар" концерт төркеме чыгыш ясады. Пәйгамбәребез Мөхәммәт с.г.в. хәдисләренә таянып төзелгән программабызда әти-әни һәм күрше хакын, туганлык мөнәсәбәтләрен, кешеләр арасында төрле мәзәк хәлләрне чагылдырган җырлар, шигырьләр, миниатюралар тамашачы күңеленә хуш килде. Беренче тапкыр яңгыраган мөнәҗәтләребезне дә яратып кабул иттеләр. Җирлектәге барлык мәдәният хезмәткәрләре белән бергә, әлеге кичәләрдә бик үтемле вәгазьләре белән һәр авылның абыстае һәм имамы чыгыш ясады.

    Бәйрәмнәребезнең иң ихлас тамашачылары булган өлкәннәребезнең тагын бер рәхмәтен ишетү - безнең өчен яңа эш сезонына хәер-фатыйха да алу бит әле ул.

    Чыгышларыбыздан соң өлкәннәребез әйткән рәхмәт сүзләре безгә әллә никадәр көч-куәт өстәде. Бүгенге муллыкка, тынычлыкка мең шөкер итеп, куанып эшләргә һәм яшәргә язсын!

    Рәмзия ХӨСӘЕНОВА, Зур Сәрдек

    фото vk.com

    Нравится
    Поделиться:
    Реклама
    Комментарии (0)
    Реклама
    • Кукмарада әти-әниләр бердәм республика имтиханы тапшырдылар
    • Кукмарада прокуратура һәм гадәттән тыш хәлләр оешмалары тикшерүгә чыкты
    • Кукмарада балалар командалары арасында хоккей буенча төбәкара ярышларның ачылу тантанасы
    • “Үрәсбаш” ярдәмче хуҗалыгында семинар булды
    • Кукмара районында үткән халык җыеннарында Римма Ратникова катнашты
    • Кукмара хоккееның 50 еллыгы уңаеннан шайбалы хоккей буенча турнир
    • Сез эшне ничек эзлисез?
      22 кеше тавыш бирде
    Ночной режим