Кабак ашау файдалы

Сидек юлларының ялкынсынуыннан интеккән ирләр өчен кабак бик файдалы яшелчә дип саныйм. Үзем дә шушы чирдән интеккәндә бер табиб-галимнең язмасын кулга төшереп, шунда әйтелгәннәрне файдаланып, сихәтен таптым. Кабакны кабыгыннан арындырып та, кабыгын турап, ваклап та чи килеш ашар алдыннан 40 минут элек кулландым. Ә орлыгын киптереп, һәрдаим ашап тордым. Операциядән соң да ашханәдә гел тозсыз ботка, ашлар бирәләр иде, күбесе кабак ризыгы булды. Бу яшелчәдән әле дә аерылмадым, яратып ашыйм, файдасын күрәм.

Нурислам ГАЛИЕВ, Зур Кукмара авылы

фото: http://sadovodi86.ru/stati/sovety-ogorodniku/chem-polezna-tykva-volshebnye-svojstva-ovoshha.html