“Чиста шәһәр” оешмасы мастеры Рафисә Хаҗиәхмәтова – хөрмәткә лаеклы зат

Кукмара район Советы бинасы каршындагы мәйданда алдынгыларның фотолары куелган Мактау тактасына ирексездән тукталып карап, белгән затлар булса, алар белән горурлану хисе тоясың. Хөрмәткә лаек булмаган бер генә кеше юк монда. "Чиста шәһәр" оешмасының өлкән мастеры Рафисә Хаҗиәхмәтованы, әгәр бездән генә торса, бу Мактау тактасыннан бер дә алмас идек. Елның кайсы фасылы булуга карамастан, поселогыбызның чисталыгы, матурлыгы өчен тырышучы, тавык чүпләп бетермәслек эшен намус белән башкаручы буларак беләбез без аны.

Үз мәхәлләбездә аңа кагылышлы булган сорау-мөрәҗәгатьләребезнең һәрвакыт, кичекмәстән җиренә җиткереп үтәлүенә шигебез юк! Хәерле эшләрегез уң булсын, Рафисә ханым!