Биек үкчә файдалымы?

Англия галимнәре сенсацион нәтиҗәгә килгән. Алар фикеренчә, биек үкчә тез буыннарын авыртудан саклый икән. Биек үкчәле аяк киеме киюче хатын-кызлар, тәбәнәк үкчә киючеләргә караганда тез буыннарындагы артрит белән ике тапкыр сирәгрәк авырыйлар, имеш. Бәлки бу буыннарның билгеле бер дәрәҗәдә көчсезләнүе белән бәйледер, ә бәлки биек үкчәле аяк киеме киючеләр үзләренең гәүдә авырлыгы, буй-сыны, туклануы турында күбрәк кайгыртадыр. Ә менә үкчәсез аяк киеме (балетки, шлепанцы) сайлаучы ханымнар умыртка баганасы, тезләре авыртуга еш зарланалар икән. Кыскасы, биек үкчәлене дә, тигез табанлыны да еш кияргә ярамый. Үкчәнең уртача биеклеге 2,5 сантиметрдан артмаска тиеш.