Кукмара районында трассада ике автомобиль бәрелешкән

Эльвира МӨБАРӘКШИНА, 10 гыйнвар 2021 - 20:18

2961

Юл фаҗигасе Мамадыш-Кукмара-Кәркәүч-Сасмак юлының икенче чакрымында килеп чыга.

Кукмара районында трассада ике автомобиль бәрелешкән. Бу турыда «Хезмәт даны» газетасы редакциясенә Кукмара районы ЮХИДИ бүлегендә хәбәр иттеләр.

10 гыйнварда сәгать 14.10да Мамадыш-Кукмара-Кәркәүч-Сасмак юлының икенче чакрымында «Дэу Матиз» һәм «Лада Гранта» бәрелешә.

«Дэу Матиз» автомобиле шоферының Кәркәүч авылы ягыннан Кукмарага таба баруы була. Ул, һава торышы шартлары белән бәйле рәвештә, идарә итүен югалта, юлның каршы як полосасына чыга һәм «Лада Гранта» белән бәрелешә.