Көч, рух һәм спортка мәхәббәт: Кукмара лицеенда армрестлинг буенча Чемпионат узды

Кукмараның күппрофильле лицеенда төрле яшь төркемендәге (5-6нчы һәм 7-8нче сыйныфлар) укучылар арасында армрестлинг буенча Чемпионат узды.

8нче сыйныф укучылары Богдан Павлов белән Тимерхан Галиев оештырган ярыш күңелле һәм дулкынландыргыч булды, ә җанатарлар катнашучыларга көч биреп торды.

Катнашучылар үзләренең чыдамлык һәм осталыкларын күрсәттеләр. Хөкемдарлар исә  укучыларның югары әзерлекле булуларын һәм уенның гаделлеген билгеләп үттеләр.

Җиңүчеләргә бүләкләр һәм дипломнар тапшырылды. Һәркем спортның әлеге төре белән алга таба да шөгыльләнүне дәвам итәр өчен үзенә мотивация алды.

Җиңүчеләр исемлеге:

5-6 сыйныфлар (малайлар):

• 1нче урын — Кирилов Тимур, 6 В,
• 2нче урын — Исламов Динис, 5 В,
• 3нче урын — Галимуллин Раяз, 6 Г.

5-6 сыйныфлар (кызлар):

• 1нче урын — Заһидуллина Сафия, 5 А,
• 2нче урын — Васильева Алина, 6 Г,
• 3нче урын — Васильева Эльза, 5 Г.

7-8 сыйныфлар:

• 1нче урын — Кәримов Ислам, 8 Б,
• 2нче урын — Кудрявцев Матвей, 8 В,
• 3нче урын — Яковлев Даниил, 8 Г.

Фото: Алсу Исмәгыйлева