Казанда оештырылачак җиңел атлетика марафонында 42 мең кеше катнаша

Казанда 1 майдан 3 майга кадәр узачак  җиңел атлетика марафонында катнашу өчен 42 мең йөгерүче теркәлгән. Быел стартка Россиянең 85 төбәгеннән һәм 37 чит илдән атлетлар чыгачак. Бу хакта Казанның Физик культура һәм спорт комитеты рәисе Линар Гарипов әйтте, дип яза Казан мэриясе матбугат хезмәте. Бу яңалыкны «Татар-информ» МА хәбәр итә.

«Марафон программасы берничә көнгә бүленгән: 1 майда балалар йөгерешләре старт ала, 2 майда 3 км һәм 10 км аралыкта йөгерүчеләр катнашачак. 21,1 км һәм 42,2 км дистанцияләрне марафончылар һәм ярыммарафончылар 3 майда узачак», — дип билгеләде Линар Гарипов.

Йөгерү маршруты Татарстан башкаласының туристлык урыннары аша узачак: Миллениум күпере, Казан Кремле, Сөембикә манарасы, «Казан» гаилә үзәге, Иске Татар бистәсе һәм башка истәлекле урыннар. Маршрутта туклану һәм ял итү өчен махсус тукталышлар оештырылачак.

2 майда Россиянең төрле илләреннән һәм төбәкләреннән килгән атлетларны милләтләр парадында сәламләячәкләр. Шулай ук үзенчәлекле спортчылар ярышлары да планлаштырылган: аларда дәрәҗәле паралимпиячеләр, халыкара ярышларда бүләкләнүчеләр һәм яшь катнашучылар чыгыш ясаячак.

Фото: «Татар-информ» МА