Татарстанда узган тәүлектә коронавирусның 107 очрагы ачыкланган

Узган тәүлектә Татарстанда коронавирус инфекциясе тагын 107 пациентта ачыкланган. Авыруны сигез кеше республикадан читтә, калган очраклар - аралашу юлы белән йоктырган. Бу хакта ТР Сәламәтлек саклау министрлыгы хәбәр итә, дип яза «Татар-информ» МА.

«33 кеше хастаханәгә салынган, 74 кеше өйдә дәвалана», — диделәр ведомство хәбәрендә.

Пандемия вакытында республикада коронавирус инфекциясенең 43 958 очрагы расланган. Беренче вакцинацияне 2 306 478 кеше узды, икенче дозаны 1 866 321 кеше алды.

фото: «Татар-информ» МА