Татарстанда пошины бәрдергән машина йөртүче һәлак булган

Татарстанда трассада поши бәрдергән 60 яшьлек машина йөртүче һәлак булган. Пошига бәрелгәннән соң автомобиль юл читенә төшеп киткән. Бу хакта «Татар-информ»га Татарстан буенча Эчке Эшләр министрлыгы матбугат хезмәтендә хәбәр иттеләр.

«Кичә 17.20 сәгатьтә Кузайкино – Нурлат-Чирмешән автомобиль юлының 8нче чакрымында "Шкода Октавия" автомобиле руле артында 60 яшьлек ир-ат каршы як полосага чыккан һәм юлда басып торган пошины бәрдергән», – дип сөйләделәр агентлыкка ведомствода.

Шуннан соң иномарка юлдан кюветка төшеп каплана. Авариядә җиңел машина йөртүче алган җәрәхәтләрдән вафат була.

Шулай ук укыгыз:

• Татарстанда ике машина катнашындагы һәлакәттә бер кешенең гомере өзелгән
• Баланың колагыннан тәгәрмәч алганнар
• Пассажир поезды бәрдергән 65 яшьлек хатын-кыз үлгән
• Фатирда дүрт ел мәет яткан
• Татарстанда ике җиңел автомобиль бәрелешеп, алты яшьлек бала һәлак булган