“Роспотребнадзор” Кукмарада законның үтәлешен тикшергән

“Роспотребнадзор” идарәсенең Саба, Мамадыш, Кукмара, Теләче районнарындагы Татарстан буенча территориаль бүлеге җитәкчесе урынбасары Анатолий Кириллов хәбәр итүенчә, “Роспотребнадзор” боерыгы белән районның алты субъектында закон таләпләренең үтәлеше тикшерелгән.

Кулланучыларның хокукларын яклау өлкәсендә 1 кешенең мөрәҗәгате каралган.

Тикшерү нәтиҗәләре буенча административ хокук бозулар турында 21 беркетмә төзелгән, административ җаваплылыкка тарту турында гомуми 101000 сумлык 20 карар чыгарылган. 21 килограмм азык-төлекне сатуга чыгару тыелган.

Сентябрь аенда йогышлы авыруларның 271 очрагы теркәлгән, ягъни 100 мең кешегә 549 очрак туры килә дигән сүз. Бу күрсәткеч узган елгыдан кимрәк.

12 кеше хайваннар тешләүдән зыян күргән. Узган елның шушы чорында мондый 7 очрак теркәлгән булган.