Ноябрьдә кайбер татарстанлылар хезмәт хакын иртәрәк алачак
Көзнең соңгы аенда озын ял көннәре булачак.
Татарстанлыларга ноябрьдә озын ял көннәре булачак: 2 ноябрьдән 4 ноябрьгә кадәр. Бу Халыклар бердәмлеге көнен бәйрәм итү белән бәйле. Моннан тыш, Татарстан Конституциясе көненә бәйле рәвештә, 6 ноябрь ял көне булачак, дип хәбәр итә «Татар-информ».
Димәк, ял көннәре туры килгән саннарда хезмәт хакы алган татарстанлыларга аны алдан ук исәпләячәкләр.
Әгәр хезмәткәр 2, 3 яки 4 ноябрьдә хезмәт хакы ала икән, аңа түләүләр алдагы эш көнендә — 1 ноябрьдә киләчәк.
6 ноябрьдә хезмәт хакы алучы татарстанлыларга аны 5 ноябрьдә исәпләп чыгарачаклар.
Әгәр дә хезмәт хакы алу көне булып айның 8 яки 9 числосы санала икән, ноябрьдә аларга акча 7 ноябрьдә киләчәк.
Фото: Йолдыз Низамиева/ «Кукмор-информ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
«Кукмор Татарстан» Telegram-каналга язылыгыз
Оставляйте реакции
Нет комментариев