Кукмарада террорчылыкка каршы комиссиянең киңәйтелгән утырышы үтте

Татарстан Республикасында террорчылыкны һәм экстремистлыкны профилактикалау буенча 2024 елдагы эш нәтиҗәләре, районда террорчылыкка каршы комиссиянең хисаплары һәм 2025 елга районда әлеге комиссиянең планнарын анализлау нәтиҗәләре белән таныштырып, район җитәкчесе Сергей Димитриев утырышны ачты.

Террорчылыкка каршы комиссиянең секретаре Рашат Гарифуллин исә 
әлеге комиссиянең элек кабул ителгән карарлар тулылыгы һәм үтәлеш сыйфаты турында таныштырды. 

Район эчке эшләр бүлеге җитәкчесе Рамил Нургалиев үзенә сүз бирелгәч иң элек соңгы елларда аеруча киң таралган мошенниклык очракларына тукталды, залда утырган һәркемне уяу булырга чакырып шушы көннәрдә генә алданучылар турында сөйләде. Аннан соң ул район территориясендә миграция хәле турында чыгыш ясады. Оешма —учреждение җитәкчеләреннән бу өлкәдә законнарны бозарга юл куймауларын сорады. Куелган очракт исә таләпләрнең катгый булачагын ассызыклады. 

Утырыш ахырында транспорт объектларын террорчылыктан саклау чараларын гамәлгә ашыру турында «Кукмор-Транс» оешмасы җитәкчесе Нияз Фатыйхов хисап бирде.

фото: Лилия Нургалиева, Эльвира Иванова/ «Кукмор-информ»