Кукмара районының бер авылында янгын сарайга зыян салган
Мәмәшир авылында кичә янгын чыга.
Кукмара районындагы бер хуҗалыкта янгын чыга, нәтиҗәдә сарайга зыян килә. Бу турыда Кукмара районының 117нче янгын сүндерү һәм коткару частендә хәбәр иттеләр.
24 февральдә сәгать 16.39да 117нче янгын сүндерү һәм коткару частенең элемтә пунктына Мәмәшир авылының Киров урамында шәхси хуҗалык януы, утның башка корылмаларга күчү куркынычы булу турында хәбәр алына.
Янгын сүндерүчеләрне йорт хуҗасы каршы ала, өйдә кешеләр булмавын хәбәр итә.
Янгын нәтиҗәсендә 4 квадрат метр мәйданда сарайның стенасы кара күмергә әйләнә. Үлем-китемнәр, зыян күрүчеләр юк.
фото: Кукмара районының 117нче янгын сүндерү һәм коткару часте
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев