Кукмара районында буран, көчле җил һәм юлларда кар көртләре көтелә

Кукмара районы территориясендә һава торышы үзгәрәчәк. Бу хакта Кукмара районының Бердәм дежур-диспетчерлык хезмәте хәбәр итә.

8 мартта кар явуы, урыны белән көчле җил, буран көтелә.

«Буранда 500-1000 метрга кадәр күрүчәнлек начараячак. Юлларда каты  бозлавык, кар көртләре булачак. Җил көньяктан, көньяк-көнбатыштан секундына 7-12 метр, урыны белән 15-20 метрга кадәр», - диелә хәбәрдә.

Караңгыда һава температурасы -9 градустан алып -15 градуска кадәр, иртән -4...-7 градуска кадәр күтәреләчәк. Көндезге сәгатьләрдә һава температурасы -2дән алып -5 градуска кадәр.

Фото: Марат Гыйләҗев