Кукмара районында сигез төргәк печән янган

Кукмара районында сигез төргәк печән янган. Бу хакта «Хезмәт даны» газетасы редакциясенә 117нче янгын сүндерү-коткару частеннән хәбәр иттеләр.

Кичә сәгать 19.12дә 117нче янгын сүндерү-коткару частеның элемтә пунктына Кукмара районы Югары Юмья авылындагы хуҗалыкларның берсенең бакчасы янында печән яну турындагы хәбәр килеп ирешә.

Янгын сүндерүчеләр килгәндә 12 квадрат метр мәйданда печән төргәкләре яна торган була. Утның башка корылмаларга күчү куркынычы булмый. 

Янгын нәтиҗәсендә сигез төргәк печән кара күмергә әйләнә. Зыян күрүчеләр, һәлак булучылар юк.

фото: 117нче янгын сүндерү-коткару часте