Казанга «Россия Студентлар язы» Бөтенроссия фестиваленең беренче делегатлары килде

Бүген иртән Казанга «Россия Студентлар язы» XXXIII Бөтенроссия фестиваленең беренче делегатлары килде. Катнашучыларны Татарстан әләме белән каршы алдылар.

Вокзал яны мәйданында Ленинград, Мурманск, Псков, Тверь өлкәләреннән, Карелия Республикасы һәм Санкт-Петербургтан килгән делегацияләрне волонтерлар һәм оештыручылар каршы алды. Алда аларны бай биш фестиваль көне, конкурс сынаулары һәм яңа танышулар көтә.

Фестивальнең төп старты бүгенге кичкә планлаштырылган. 20:00 сәгатьтә «Баскет-холл»да Россиянең 82 төбәгеннән 2000нән артык студентны берләштерәчәк зур ачылу тантанасы башланачак.

Тамашачыларны барлык федераль округлардан делегацияләр парады һәм уникаль номерлар белән концерт көтә.

Алда ике көн конкурс сынаулары, ә 28 ноябрьдә ябылу тантанасында иң яхшыларның исемнәрен атаячаклар.

Фото: Владимир Васильев / «Татар-информ»