Машина йөртүче куркынычсызлык каешын эләктермәгән булган
Татарстанда юл кырыена төшеп киткән “Лада”ның куркынычсызлык каешын эләктермәгән йөртүчесе һәлак булган. Бу хакта “Татар-информ”га Россия Эчке эшләр министрлыгының Татарстан буенча матбугат хезмәтеннән хәбәр иттеләр.
“Бүген 11.00 сәгатьтә Нурлат – Чуваш Тимерлеге юлының 27нче чакрымында зур тизлектә барган "Лада" машинасының 21 яшьлек йөртүче идарәне югалтып, машина юл кырыена төшеп киткән. Машина йөртүче куркынычсызлык каешын эләктермәгән булган”, - диделәр ведомство матбугат хезмәтендә.
Машина йөрткән егет нык имгәнүләр алган, ашыгыч ярдәм машинасында аның гомере өзелгән.
Фото: пресс-служба МВД по РТ
Нет комментариев