Адайда уенлык үткәрелде

Элекеге матур, гармунлы кичке уеннарны искә төшереп, Адай авылы клубында шундый чара үткәрелде. Уенлыклар элек иртә яздан, су буйларында, болыннарда, тау битләрендә кар эреп бетүгә оештрылган, ә бүген без клубта назалы, чүпләмле, капкалы һәм башка уеннарны уйнадык, түгәрәктә әйләнеп җырладык. Уеннарда җиңелүчеләр төрле биремнәрне үтәделәр: кемдер биеде, кемдер җырлады, Гөлсинә Хамаянова үзе иҗат иткән әсәрләре белән нәфис сүзгә осталыгын күрсәтте, Рәҗәп абый Хантимеров гармунда үзе уйнап, үзе җырлап барыбызны таң калдырды. Мулланур да гармунда өздерде, ә тормыш иптәше Сания аңа кушылып җыр сузды. Күмәкләшеп мари, татар халык биюләрен башкардык, бик күңелле итеп ял иттек, дип хәбәр итте Адай авылының клуб мөдире Фәния Хәбибуллина.