Кукмарадан махсус хәрби операциягә чираттагы машина озатылды

Кукмара районы халкы махсус хәрби операция башланганнан бирле солдатларга ярдәм итүне дәвам итә. 

Бу юлы егетләргә тагын бер зур ярдәм — «Нива» автомобиле озатылды. Машинаны «Кумор» позывнойлы солдат килеп алды. Үзе Яр Чаллыдан булса да, ул әлеге автомобильне безнең якташларга тапшырачак.

Әлеге вакытка 160 миллион сумнан артык суммада барлыгы 920 тонна гуманитар йөк җибәрелгән. Аның эчендә азык-төлек, көнкүреш товарлары, гигиена кирәк-яраклары, дарулар, медицина җиһазлары, ягулык-майлау материаллары, төзелеш кирәк-яраклары, электр генераторлары, җылылык приборлары, 30 автомобиль, 15ләп күчмә мунча, мотоцикллар һәм башка кирәкле әйберләр бар.

«1 мең тонна гуманитар йөккә якынлашабыз. Бу — районда олысы да, кечесе дә бөртекләп җыйган зур сан. Шуңа күрә һәркемгә рәхмәтемне белдерәм. Беркем дә бу изге эштән читтә калмый», — диде район башлыгы Сергей Димитриев.

фото: Ризилә Корбанова/ «Кукмор-информ»