Полициянең җинаятьчеләрне эзләү бүлеге хезмәткәрләре бүләкләнде (фото)

Кичә, 5 октябрьдә, полициянең җинаятьчеләрне эзләү бүлеге хезмәткәрләре үзләренең һөнәри бәйрәмнәрен билгеләп үттеләр. Россия эчке эшләр министрлыгы системасында җинаятьчеләрне эзләү бүлеге оешуга 98 ел тулу уңаеннан, район эчке эшләр бүлегенең полиция начальнигы урынбасары Рамил Әгълиуллин "Хезмәттәге уңышлары өчен" күкрәк билгесе белән бүләкләнде. Җинаятьчеләрне эзләү бүлегенең оперуполномоченные Илнар Рәхмәтуллинга полициянең өлкән лейтенанты исеме бирелде, өлкән оперуполномоченный Зарина Фәхретдиновага рәхмәт белдерелде. Әлеге бүлек хезмәткәрләре Радик Бакелев һәм Инсаф Зәйнетдиновларга истәлек бүләкләре тапшырылды.