Мәдәният яңалыклары (фотолар)

Районыбызның авыл мәдәният йортларында һәм клубларында, ял паркларында төрле кичәләр, бәйрәмнәр оештырыла, дип хәбәр итте район Мәдәният йорты методисты Фәрзия Сәлләмова. Өркеш авыл җирлегендә мөселман Сабан туе, Чарлы мәдәният йортында "Бәхетле очрак" уены узды. Мәмәширдә авылның "Җәүһәр" һәм Малмыж районы Смәел мәдәният йортының "Аулак өй" ветераннар клубы вәкилләре очрашты, Поч.Кучук, Югары Шөн, Салтык-Ерыклы, Кенәбаш, Татар Толлысында авыл бәйрәмнәре гөрләде.

Поч.Сутер авылының "Инвожо" удмурт халык фольклор ансамбле Балтач районының Көшкәт авылында, районыбыз үзешчәннәре Мамадышның Шәдче авылында концерт куйдылар.

***

Атлас Булатов исемендәге мәдәният һәм ял паркында - Күкшел, ә Җиңү Паркы каршындаыг мәйданда Манзарас авыл җирлеге үзешчәннәре тарафыннан бик матур концерт оештырылды.