Кукмараның приют балалары индеецлар булып яшәп карады

"Кояшкай" социаль приютында "Индеец көне" узды. Бу көнне балалар әлеге этнотөркем халкының милли киемнәрен киеп, шулар кебек бер көн яшәп карадылар. Чара вакытында кызыклы уеннар, концерт программасы, әңгәмәләр оештырылды. Кызыклы викториналар ярдәмендә тәрбияләнүчеләр үз белемнәрен дә сынап карады. "Индеец көне" тәм-томнардан торган табын артында чәй эчүләр белән үрелеп барды. "Кояшкай" социаль приютында һәр атна берәр көн төрле милләткә багышлап үткәрелә. Әлеге чаралар ярдәмендә балалар белемнәрен арттыра, яңа мәдәният белән таныша.

фото: http://www.prazzzdnik.ru