Кукмаралылар этнографик диктант язды (фото)

4 октябрьдә Россиянең һәр төбәгендә "Зур этногррафик диктант" үтте. Бу проектка республикабыз да кушылды. 20 диктант уздыру мәйданчыгы оештырылды. "Ч.Т.Айтматов исемендәге Кукмара №1 гимназиясендә" оешкан №10 номерлы мәйданчык бу диктантта катнашырга теләк белдерүчеләрне ачык ишекләр белән каршы алды. 57 кеше 45 минут эчендә 30 сорауга җавап биреп, Россия халыкларының тормыш-көнкүреше турында белемнәрен, этнографик грамоталылыкларын күрсәтте. Алар арсында 15 яше тулган яшүсмерләр дә һәм пенсия яшендәге өлкән кешеләр дә бар иде. Күпмилләтле төбәк буларак, Кукмара халкының бу проектка битараф калмавы өчен сөенеп, оештыручылар исеменнән рәхмәтемне белдерәм.

Мәйданчык куроторы, гимназиянең тарих һәм җәмгыять белеме укытучысы Салямова Гөлназ Рафик кызы.