Кукмарада үзара сугышу дәваханә белән тәмамланган

Кичә, 26 июльдә, кичке сәгать тугызынчы яртылар тирәсендә район үзәк дәваханәсе янындагы "Намус" кибете каршындагы җәяүлеләр юлында дүрт кеше сугыша.

-Пычак ярасы алган ике кеше хәзерге вакытта дәваханәдә, ә берсе тоткарланды. Аларның сугышуын җәяүлеләр дә, автомобиль шоферлары да күрә. Әмма берсе дә полициягә хәбәр итми. Сугыш чукмарларының барысы да исерек, арада элек хөкем ителүчеләр дә бар, - ди район эчке эшләр бүлеге начальнигы Рамил Нургалиев. - Район халкы бер-берсенә карата битараф булмасын, мондый очракларның шахите булганда кичекмәстән 02, 2-70-80 телефон номерлары аша полициягә шалтыратсын иде.