Кукмарада ялларда да яңгыр яву көтелә

Бу көннәрдә сакланган коры, салкынча һава торышына ияләнеп килә идек. Бераз суык җилләр бит очларын кызартып, кулларны күшектерсә дә, аяк астының чиста булуы бик уңайлы. Тик куерып киткән кара болытлар әллә кайдан ук яңгырлар киләсен хәбәр итеп торалар. Синоптиклар да шулай фаразлый: алдагы көннәрдә, атна ахырына безне яңгырлар көтә. Алар фикеренчә, мондый һава шартлары әле киләсе атнага да дәвам итәчәк. Шимбә, якшәмбе көннәрендә сәламәтлекләре һава торышына аеруча сизгер кешеләргә дә игътибарлы булырга киңәш ителә.

фото: http://mariupol-life.com.ua