Кукмарада майда “Бүләк итү көне” акциясе үткәрелә

Балалар иҗаты музеен булдыру белән бәйле рәвештә 18 майда "Бүләк итү көне" акциясе үткәрелә. Бу көнне районыбызның һәр кешесе 8.00 сәгатьтән 17.00 сәгатькә кадәр Мәктәптән тыш эшләр үзәгенә районыбыз тарихы белән бәйле нинди дә булса әйбер бүләк итә ала. Әйтик, милли кием (ирләрнеке, хатын-кызларныкы, балаларныкы), бизәнү әйберләре, уенчыклар, сувенирлар, көнкүреш әйберләре, документлар, фотосурәтләр (аңлатмалы язу белән), иске акчалар, Бөек Ватан сугышы чоры әйберләре, Әфган, Чечня сугышларында һәм башка кайнар нокталарда катнашкан райондашларыбыз турында материаллар, пионер, комсомол оешмалары символлары һәм атрибутлары, фотолар. Барлык бүләк итүчеләргә Рәхмәт хатлары тапшырылачак һәм алар музейның Мактаулы бүләк итүчеләре китабына кертеләчәк.