Кукмарада эшмәкәрләрнең җыелышы үткәрелде

Бүген район Советы бинасында эшмәкәрләрнең чираттагы җыелышы үтте. Анда эшмәкәрлекне үстерүдә ярдәм итәрдәй программалар, актуаль мәсьәләләр каралды. Әлеге очрашуга хокук саклау, контроль-күзәтүчелек органнары да чакырылган иде. Бүгенге көндә районда 1387 кече эшмәкәрлек субъектлары эшчәнлек алып бара, аларның 1081е - шәхси эшмәкәр, 306сы -оешма. Җыелышта район Башкарма комитеты җитәкчесенең беренче урынбысары Чулпан Хәнәфина, район прокуроры Ришат Шакиров, район эчке эшләр бүлеге начальнигы Рамил Нургалиев, "Роспотребнадзор" идарәсенең территориаль бүлек начальнигы Анатолий Кириллов, район ветеринария берләшмәсе җитәкчесе Рифат Кәримуллин, район пенсия фонды җитәкчесе Марсель Төхбәтуллиннарның чыгышлары тыңланды.