Кукмара музеенда балалар өчен Яңа ел бәйрәме узды (фотолар)

Балалар бакчасына йөрүчеләр Кыш бабай белән Кар кызына үзләренең осталыкларын күрсәтте

Кукмара төбәкне өйрәнү музеенда балалар белән һәрдаим төрле чаралар оештырыла. "Тылсымлы предметлар музее" дигән Яңа ел бәйрәме дә бик күңелле үтте. Бәйрәмгә поселокның 7нче номерлы "Кыңгырау" балалар бакчасына йөрүче нәниләр чакырылган иде. Балалар конкурс-бәйгеләрдә катнаштылар, шигырьләр сөйләделәр, җырладылар, биеделәр. Шулай ук Кукмара тарихы белән бәйле персонажлар да малай-кызларда кызыксыну уятты. Бәйрәм соңында Кыш бабай һәм Кар кызы балаларга бүләкләр өләште.