“Хезмәт даны”н яратам, ди Кукмарада яшәүче Мәргүбә апа Яппарова

Әлеге фоторәсемне без Кукмараның Парк урамында төшереп алдык. Өлкән яшьтәге апаның йорт каршындагы ямь-яшел чирәмдә бик бирелеп үзебезнең "Хезмәт даны" газетасының яңа санын укып утыруы күңелгә хуш килде. Машинабыздан төшеп, янына барып сөйләшеп тә килдек әле. Тумышы белән Төркәш авылыннан булган 85 яшьлек Мәргүбә апа Яппарова булып чыкты ул. "9нчы мех фабрикасында да, тегү фабрикасында да эшләдем, ялгызым яшим, - дип таныштырды ул үзе белән. - Район газетасын алам, алмыйча соң, дөнья хәлләрен белеп булмый бит, алайса. Кояшта әзрәк җылынып та алыйм әле дип бик рәхәтләнеп укып утырам".