Гафиятуллин урамының ишегалды юллары кайчан төзекләндерелер икән?

-Кукмараның Гафиятуллин урамындагы күпкатлы йортларның берсеннән фатир алган идек. Инде дүрт ел шунда яшибез. Әмма бүгенге көнгә кадәр ишгеалды төзекләндерелмәде, яктылык та юк. Балалар коляскасы белән урамга чыгу - үзе бер бәла, - ди ике бала әнисе Раилә ханым.

Сорауга җавапны район Башкарма комитеты җитәкчесенең инфраструктур үсеш буенча урынбасары Рөстәм Әхмәдуллиннан алдык.

-Гафиятуллин урамындагы яңа төзелә торган йортларга һәм алдан сафка баскан 1"Х" йортына кадәр илтүче юлларга быел асфальт түшәләчәк, - диде ул.