Австралиядән кайткан якташларыбыз Пычак җирлегендә дә булды

Пычак авыл җирлегендә Австралиядән кайткан якташларыбыз Гайшә һәм Зыя Маскилар белән очрашу үткәрелде. Очрашу Әсән-Елга авылының күрке булган "Акъяр" чишмәсеннән башланды. Аннары кунаклар мәдәният йортындагы туган якны өйрәнү музеенда, китапханәдә булдылар. Очрашу Гайшә Маскиның бабасының туган авылы Арпаязда дәвам итте. Монда алар мәчеттә булдылар һәм туганнарының каберләренә зыярат кылдылар. Аннан соң кунакларны Пычак урта мәктәбендә каршы алдылар. Очрашу бик җанлы төстә узды. Кунакларны Әсән-Елга авылында яшәүче туганнары Хафизова Асия апалар мул табын әзерләп каршы алдылар, дип хәбәр итә "Наш Кукмор"