Кукмарадан Миңнур Исхакова: Гөлҗимеш төнәтмәсе — сәламәтлек өчен бер адым

Гөлҗимештә файдалы матдәләр күп дип ишеткәнем бар иде. Ул гемоглобинны күтәрә, иммунитетны ныгыта, холестеринны төшерә, кан тамырларын чистарта, инфаркттан саклый икән. Шуңа күрә гөлҗимешне төнәтмә, чәй яки кайнатма рәвешендә кулланырга тырышам.

Төнәтмә әзерләү өчен 1 аш кашыгы вакланган гөлҗимешне 0,5 литр кайнаган суга салам да 2-3 сәгатькә калдырам. Әзер төнәтмәне сөзеп, көнгә ике мәртәбә берәр стакан эчәм. 
Гөлҗимеш төнәтмәсен һәрчак яңаны ясыйм, чөнки 12 сәгатьтән файдалы үзлекләре кими.

ЗАРАРЫ БУЛЫРГА МӨМКИН. ТАБИБ БЕЛӘН КИҢӘШЛӘШҮ ЗАРУР.

Миңнур ИСХАКОВА, Кукмара

Фото: ясалма интеллект ярдәмендә ясалды