Җәяүле кайдан йөрергә тиеш?

Поселокның Ленин урамында - вокзалдан металл савыт-сабалар заводы ягына таба җәяүлеләр өчен тротуарны төп юл читенә ясаулары бер дә яхшы булмады. Ни өчен дигәндә, беренчедән, юл тарайды, икенчедән, хәзерге вакытта, язгы чорда аннан бөтенләй йөри торган түгел. Чөнки юлдан үтеп китүче машиналар өскә су чәчрәтә. Элеккеге тротуардан да барып булмый: анда су һәм пычрак. Яңа җәяүлеләр тротуарын элеккеге урынга ясаган булсалар, җәяүлеләр рәхмәт әйтеп бетерә алмас иде.