Хезмәт даны

Кукмара районы

18+
Рус Тат
2024 - Гаилә елы
Әйтер сүзем бар...

Бер җылы сүз

Олы кешенең күңелен күтәрергә күп кирәкми, бер җылы сүз дә җитә шул...

Тукталышта автобус көткәндә эскәмиягә бер бабай килеп утырды. «Әбисе, кил әле, сиңа да урын бар бит», - ди бу. Павильон кырыеннан: «Юк, бабай, басып кына торам. Хәзер автобус килә инде», - дигән тавыш ишетелде. Шул арада янәшәдәге бер хатын-кыз сүзгә кушылды:

- Кадерләп кенә тота бугай сезне хатыныгыз. Бик яхшы саклангансыз.

- Ничә яшь бирәсең соң, йә, әйтеп кара әле?

- 70тән артык түгел.

- Берничә айдан 87 була инде миңа, кызым. И-и-и, канатлар куйдың бит әле!

Бабайның ничек куанганын белсәгез сез?! Автобуска кереп урнашуга ук сөенече белән уртаклашырга ашыкты ул. Мин үз тукталышымда төшеп калдым, ә алар, гөрләшә-гөрләшә, юлларын дәвам иттеләр. Әйе, олы кешенең күңелен күтәрергә күп кирәкми, бер җылы сүз дә җитә шул...

Алсу, Кукмара
 

Следите за самым важным и интересным в Telegram-каналеТатмедиа

«Кукмор Татарстан» Telegram-каналга язылыгыз


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X