Мәктәп укучылары язган иншалардан юллар

*Музейда без беренче тапкыр Сибгат Хәкимнең тавышын ишеттек. Моңа бик сөендек, чөнки Сибгат Хәким тавышын гел ишетеп булмый.

*Мин Татарстан республикасында тудым. Туган ягым ул вакытта, карлар эреп, яшел чирәм белән тула башлаган иде.

*Тукай минем тормышымда бик актив катнаша.

*Кечкенә яшьтән үк бөтен кешенең теле ачыла башлый.

*Мәгариф министры булсам, беренчедән, мәктәпләрдә ике смена урынына бер смена гына ясар идем. Дәресләрне 40 минутка калдырыр идем, ә тәнәфесләрне 10 һәм 15 минут итеп куяр идем. Ашханәдә кем нәрсә тели, шуны алыр иде һәм бөтенесе дә бушлай булыр иде. Һәрбер сыйныфка бер компьютер куяр идем. Һәрбер укучы артыннан автобус йөрер иде һәм һәрбер сыйныф өчен шундый автобус бирелер иде.

*Минем әни - минем гаилә,

Без әни белән дуслар.

Беркайчан да талашмыйбыз,

Менә шундый гаилә бар.

Гөлҗофар МИННЕХАНОВА туплады.