Кукмарада яз белән кыш тартыша

Бу темага кагылгач, мин уйга калдым... Чынлап та, быелгы Яз белән Кыш бер-берлэре белән сөйләшә. Язнаң тизрәк киләсе килә. Аның җылы кояшы белән тәннәрне иркәлисе, матур тал песиләрен чыгарасы килә. Ә кышның һич кенә дә китәсе килми. Ул, көн кичкә авышса, салкын җилләре белән җаннарны өшетә.

Яз, үзен яклап, көндезләрен алсу кояшын чыгара, боз сөңгеләрен эретә, түбә кыекларыннан тып-тып тамчылар тама. Кич белән Яз кояшын сүндергәч, җил аңа дәшә:"Мин монда әле, Яз кызы, син чигенеп тор". Әйтерсең, Яз да аңа җавап бирә:" Китче, зинһар, Кыш, минем дә табигатьне уятасым, гөрләвекләр агызасым бар". Тиздән җылы яклардан кошлар кайтыр.

Кышның, бернигә карамастан,табигатьтән аерыласы килми, ә Язның тизрәк табигатькә кире әйләнеп кайтасы килә. Тал песиләре баш калкытырлар. Кыш та, бернигә карамыйча, бераздан кире чигенер. Ул да табигатьнең язылмаган кануннарына буйсыныр.

Габдурахманова Ландыш, Кукмара районы, 6 нчы сыйныф

фото: http://ljrate.ru/post/4/1723843