Республиканың иң яхшы ЮХИДИ экипажы - Кукмарада

Район юл хәрәкәте иминлеге дәүләт инспекциясе хезмәткәрләре Рөстәм Бариев һәм Салават Баймиевлар республика буенча “Иң яхшы ЮХИДИ экипажы” исеменә лаек булдылар. Алар республикада икенче категория ЮХИДИ подразделениеләре арасында агымдагы елның өченче кварталы нәтиҗәләре буенча җиңүгә иреште. Инспекторларга күчмә вымпел һәм сертификатны Татарстан ЮХИДИ идарәсенең ветераннар Советы рәисе Иван Гафуров тапшырды.