Кукмарада юл фаҗигасе

15 февральдә, сәг.9.30да, поселокның Ворошилов урамындагы "Сандугач" кибете янында юл-транспорт һәлакәте булды, дип хәбәр итте ЮХИДИ инспекторы Сергей Егоров. "Лада Калина" автомобиле шоферы сулга таба борылганда төп юлдан хәрәкәт итүче чит ил автомобиленә юл бирми. Чит ил автомобиле шоферы Калина белән бәрелешмәс өчен рулен уңга таба бора һәм КамАЗга бәрелә. Бәхеткә каршы, зыян күрүче кешеләр юк.

Юлларда сак һәм игътибарлы булыгыз!

Фото «Подслушано Кукмор» төркеменнән