Кукмара тау чаңгычылары Россия укучылары Спартакиадасының фристайл буенча финалында Татарстан данын яклаячак

Ленинград өлкәсе Коробицыно бистәсендәге «Красное озеро» тау чаңгысы комплексында Россия укучылары Спартакиадасының фристайл буенча финалы уза.

Татарстан республикасын Кукмара фристайлчылары Айрат Вәлиев, Кәрим Гайнуллин һәм Булат Зариповлар (күппрофильле лицей укучылары) тәкъдим итәчәк.

«Хәзерге вакытта ярышлар тулы куәткә бара. Көндәшләр бик көчле. Беренче сайлап алу стартлары тайганың нәкъ “йөрәгендә” - Кемерово өлкәсенең Тау Салангысында узды. Ә икенче этап - Чиләбе өлкәсенең Миасс шәһәрендә. Әлеге ярыш нәтиҗәләре буенча сайлап алу турына 85 төбәктән 13е үтте: Мәскәү, Мәскәү өлкәсе, Санкт-Петербург, Пермь, Башкортостан республикасы һәм башкалар. Безнең республиканы спартакиадада Кукмарадан өч спортчы тәкъдим итәчәк», - дип сөйләде спортчыларның тренеры Диләрә Ибәтова.