Тәүлек эчендә Татарстанда коронавирус йоктыруның 33 очрагы ачыкланган

Татарстанда соңгы тәүлектә Covid-19 белән зарарлану буенча 33 яңа очрак ачыкланган. Бу хакта коронавирус буенча оператив штаб хәбәр итә, дип яза «Татар-информ». 

14 кеше хастаханәгә урнаштырылган, 19 кеше өйдә дәвалана.
Казанда коронавирус белән зарарлануның 9 очрагы ачыкланды, Чаллыда – 5, Яшел Үзән районында – 3, Буа һәм Нурлат районнарында — икешәр, Азнакай, Актаныш, Алексеевск, Әлмәт, Арча, Югары Ослан, Биектау, Лаеш, Лениногорск, Саба, Тукай һәм Ютазы районнарында берәр зарарланган кеше ачыкланган. 

Татарстанда бөтен вакыт эчендә 4997 Covid-19 очрагы теркәлгән, 3876 кеше сәламәтләнгән. 

Фото: «Татар-информ»