Хезмәт даны
  • Рус Тат
  • Татарстанда фермер хуҗалыкларына илтә торган 27 юл төзеләчәк

    Бу максатларга 210 млн сум акча бүлеп бирелгән.

    Быел Татарстанда фермер хуҗалыкларына илтүче 27 юл төзү ниятләнә. Бу хакта Дәүләт Советының Экология, табигатьтән файдалану, агросәнәгать һәм азык-төлек сәясәте комитеты утырышында билгеле булды.

    Татарстанның транспорт һәм юл хуҗалыгы министры урынбасары Артем Чукин юл төзү өчен 210 млн сум акча бүлеп бирелүен белдерде. Ул 2011 елдан “Фермер хуҗалыкларына һәм терлекчелек комплексларына юллар кору” программасы буенча барлыгы 235,9 км озынлыкта 479 юл төзелгәнен әйтте. Бу эшләр өчен 2 632, 3 млн сум акча сарыф ителгән.

    Реклама

    Артем Чукин, быел, шулай ук, республиканың бакчачылык ширкәтләренә илтүче 26,3 км озынлыкта 19 юл төзеләчәген әйтте. Моңа 300 млн сум акча каралган. Былтыр исә, 35 километрга якын 24 юл төзелгән.

    “Татар-информ”, Гөлнар Гарифуллина

    Нравится
    Поделиться:
    Реклама
    Комментарии (0)
    Осталось символов: