“Татармультфильм” берләшмәсенең иҗади бригадасы Кукмара сәнгать мәктәбе укучылары өчен мастер-класс үткәрде

“Татармультфильм” берләшмәсенең иҗади бригадасы Кукмара балалар сәнгать мәктәбе укучылары өчен республика турында мультфильм төшерү буенча мастер-класс үткәрде. “Век Татарстана-3” проекты ТАССРның 100 еллыгына әзерлек кысаларында тормышка ашырыла һәм республиканың сәнәгать, тарихи-мәдәни үсешенә багышлана. Аларның Кукмарага өченче тапкыр килүләре. Укытучыларның сүзләренә караганда, рәсем сәнгате бүлегендә шөгыльләнүче балалар әлеге чарада бик теләп катнашканнар. Бу көнне һәркем төсле карандашлар һәм буяулар аша районның бөтен матурлыгын чагылдырырга тырышкан. Ә иң яхшы рәсемнәр “Век Татарстана-3” милли анимацион фильмына кертеләчәк.