Россия Конституциясен үзгәртү буенча эшче төркем составында ТР Дәүләт Советы Рәисе дә бар

Мәскәү Кремле сайты хәбәр итүенчә, Татарстан Республикасы Дәүләт Советы Рәисе Фәрит Мөхәммәтшин Россия Конституциясен үзгәртү буенча эшче төркем составына керде.

Россия Президенты Владимир Путин кул куйган боерык текстында: «Россия Федерациясе Конституциясенә үзгәрешләр кертү турында тәкъдимнәр әзерләү буенча эшче төркем составын расларга», — дип әйтелә.

Шулай ук Владимир Путин ил Конституциясендә Россия Дәүләт Советының статусын һәм ролен беркетергә тәкъдим итте.

фото: Татар-информ