Олыяз авылында яшәүче 90 яшьлек юбилярны гомер бәйрәме белән район башлыгы котлады

Олыяз авылында яшәүче Равил Ибраһимовны 90 яшьлек гомер бәйрәме белән район башлыгы Сергей Димитриев тәбрикләде һәм аңа Россия Президентының котлау открыткасын, үзенең рәхмәт хатын, истәлек бүләге тапшырды. 

- Минем бөтен тормышым Олыяз авылы белән бәйле. Хезмәт юлымны 12 яшьтә үк башларга туры килде. 1947 елда Кемерово өлкәсендәге тау сәнәгате мәктәбенә укырга кердем. Тормыш иптәшем белән 65 ел тату гомер кичердек, - дип искә ала Равил абый. 

Озын гомерле булуның серен юбиляр гадел һәм намуслы хезмәттә күрә. “Эшләп бер кешенең дә үлгәне юк әле”, - ди ул.

фото: Алсу Гатауллина/ "Хезмәт даны"