Кукмаралылар «Татарча диктант» акциясенә кушылды

Бөек Җиңүнең 75 еллыгына багышланган акциягә кукмаралылар актив кушылды.

Күппрофильле лицейга «Ак калфак» оешмасының Кукмара бүлеге вәкилләре җыелган иде. Арада яшьләр дә, өлкәннәр дә шактый. Аларның һәммәсен туган телгә булган мәхәббәт бәйли.

Диктант Ибраһим Газиның «Сыерчыклар» әсәреннән өзек иде. Текстны күппрофильле лицей укытучысы Ләйсән Гыйлемуллина укыды.

«Мин диктантны ел саен язам. Быел да читтә калмадым. Үз-үземә ышанычым зур, шунлыктан яхшы билгегә өметләнәм», - ди Рәсимә ханым Минһаҗева.

Фото: Алсу Сәләхетдинова/ «Хезмәт даны»