Кукмарада район башлыгы Кубогына мини-футбол турниры бара

Ринат Мөхәммәтшин исемендәге стадионда Кукмара районы башлыгы Кубогына мини-футбол турниры бара. Анда 17 команда катнаша. Ярышлар алтынчы ел рәттән уза. 

Турнирны ачу тантанасында район башлыгы Сергей Димитриев, Татарстан Республикасы Премьер-министры урынбасары — республика авыл хуҗалыгы һәм азык-төлек министры Марат Җәббаров, Россия Дәүләт Думасы депутаты Илья Вольфсон, Татарстан Республикасы Дәүләт Советы депутаты Нияз Аитов, район Башкарма комитеты җитәкчесе Азат Гарифуллин һәм башка җитәкчеләр катнашты.

«Барыгызга да яхшы уен телим! Бу турнир күркәм традициягә әйләнсен!» — дип сәламләде турнирда катнашучыларны район башлыгы Сергей Димитриев.

Нәтиҗәләр соңрак билгеле булачак.

фото: Алсу Сәләхетдинова/ «Кукмор-информ»